टोकियो : युवा स्टार स्ट्राइकर नेमारको ह्याट्रिकमा ब्राजिलले मैत्रीपूर्ण खेलमा मंगलबार जापानलाई ४-० गोलले हराएको छ। ब्राजिलले गरेका सबै गोल नेमारको नाममा रहे। खेलको १८ औं मिनेटमा पहिलो गोल गरेका नेमारले ७७ औं मिनेटमा ह्याट्रिक पूरा गरेका थिए।

डिएगो टार्डेलीको पासमा नेमारले पहिलो गोल गरेका थिए। उनले कोउटिन्होको पास सदुपयोग गर्दै ४८ औं मिनेटमा टोलीको अग्रता दोब्बर बनाए। तेस्रो गोल भने उनले एकल प्रयासमा गरेका थिए। नेमारले काकाको पासमा ८१ औं मिनेटमा चौथो गोल थपेका थिए।

एक साताभित्र ब्राजिलको यो दोस्रो जित हो। गत साता भएको मैत्रीपूर्ण खेलमा ब्राजिलले चिरप्रतिद्वन्द्वी अर्जेन्टिनालाई २-० गोलले हराएको थियो। गत विश्वकपको फाइनलमा पुगेको अर्जेन्टिनाविरुद्ध टार्डेलीले दुवै गोल गरेका थिए। अन्तर्राष्ट्रिय फुटबलमा टार्डेलीले पहिलो गोल गरेका थिए।
सन् २०१० मा राष्ट्रिय टोलीमा डेब्यु गरेका २२ वर्षीय नेमारले ५८ वटा अन्तर्राष्ट्रिय खेलमा ४० गोल गरेका छन्। घरेलु मैदानमा भएको गत विश्वकपको क्वार्टरफाइनलमा ढाडको हड्डी भाँचिएपछि त्यसयता प्रतियोगिताबाट बाहिरिएका नेमारको अनुपस्थितिमा ब्राजिलले कमजोर प्रदर्शन ग:यो।

सेमिफाइनलमा जर्मनीसँगको खेलमा घरेलु टोली ७-१ गोलले पराजित भएको थियो। नेमार उपचारपछि केही महिना अघिमात्र खेलमा फर्किएका हुन्। नेमारले ह् २०१४ मा राष्ट्रिय टोलीका लागि खेलेका १२ खेलमा १३ गोल गरेका छन्। उनले राष्ट्रिय टोलीका लागि एकै वर्ष गरेको यो सर्वाधिक गोल हो।

यसअघि उनले सन् २०१० मा दुई खेलमा एक गोल, सन् २०११ मा १३ खेलमा सात गोल, २०१२ मा १२ खेलमा नौ गोल गरेका थिए। सन् २०१३ मा उनले १९ खेलमा १० गोल गरेका थिए। नेमारले बार्सिलोनाका लागि चालू सिजन(२०१४/२०१५) आठ खेलमा आठ गोल गरेका छन्।

उनले गत सिजन बार्सिलोनाका लागि ४१ खेलमा १५ गोल गरेका थिए। अर्को मैत्रीखेलमा अर्जेन्टिनाले हङकङलाई ७-० गोलले हरायो।

 खेडाली टोक्‍ने स्वारेजले पनि गोल गरे

विवादास्पद स्ट्राइकर लुइस स्वारेजले गोल गरेपछि उरुग्वेले सोमबार राति खेलिएको मैत्रीपूर्ण खेलमा ओमनलाई ३-० गोलले हरायो। बार्सिलोनाका स्ट्राइकर स्वारेजले दुई गोल गरे। विश्वकपपछि स्वारेजले राष्ट्रिय टोलीका लागि पहिलो गोल गरेका हुन्। ब्राजिलमा यसै वर्षको जुलाईमा सकिएको विश्वकपछि स्वारेजले गत सातामात्र राष्ट्रिय टोलीका लागि खेलेका थिए।

गत जुलाईमा ब्राजिलमा सकिएको विश्वकपको समूहगत चरणको खेलमा इटालीका रक्षक जर्जियो चेलिनीलाई टोकेपछि स्वारेजलाई विश्व फुटबल महासंघ (फिफा)ले चार महिना र नौ अन्तर्राष्ट्रिय खेलबाट प्रतिबन्ध लगाएको थियो। अपिल गरेका स्वारेजले प्रतिबन्धका अवधीमा राष्ट्रिय टोलीका लागि मैत्रीपूर्ण खेल खेल्ने छुट दिएको थियो।

सोमबार राति स्वारेजले ओमनविरुद्ध ५७ औं मिनेटमा गोल गरेका थिए। उनले ६६ औं मिनेटमा टोलीको अग्रता दोब्बर बनाए। जोनाथन रोड्रिगुएजले ८७ औं मिनेटमा गोल थपे। यसअघि उरुग्वे गत शुक्रबार साउदी अरेबियासँग बराबरीमा रोकिएको थियो। स्वारेजले राष्ट्रिय टोलीका लागि पहिलो गोल गरेकै दिन सात वर्षपछि सोमबार राति दुई गोल गरेका हुन्। उनले विश्वकप २०१० का लागि भएको महादेशीय छनोटमा मोन्टोलिभोमा बोलिभियाविरुद्ध पहिलो अन्तर्राष्ट्रिय गोल गरेका थिए। स्वारेजले राष्ट्रिय टोलीका लागि ७९ खेलमा ४२ गोल गरेका छन्। -एजेन्सी

अर्काको लोग्नेसँग सुतेको आरोपमा चीनमा एक महिलालाई व्यस्त सडकमा नांगेझार पारेर कुटपिट गरिएको छ । ३८ वर्षकी ली याओ नामकी महिलालाई नांगेझार पारी सडकमै लछारपछार गरी ४ जना महिलाले कुटपिट गरेको रमिता धेरै हेरेपछि कसैले केही गर्न सकेनन् ।चीनको हेनान प्रान्तस्थित पुयान सहरमा किनमेल गरेर आफ्नो घरतर्फ फर्किँदै गरेकी ली माथि अनायासै महिलाको एक झुण्डले आक्रमण गर्यो । उनलाई कपडा च्यातचुत पारेर नांगेझार पारियो अनि यौनांग, वक्षस्थल तथा सरीरका अन्य भागमा समेत गोँदगाद पार्दै लछारपछार गरियो ।

ली माथि त्यसरी आक्रमण गरिनुको खास कारण रहेछ । आक्रमणकारी मध्येकी एक महिलाका श्रीमानसँग ली ले यौन सम्बन्ध राखेकी रहेछिन् । आफ्नो लोग्नेसँग सल्किएको आरोपमा ती महिलाले अन्य ३ जना साथीहरु सँग मिलेर ली लाई रामधुलाई गरेकी रहेछिन् ।

उनीहरुको मामिला आन्तरिक ठानेर बाटो हिड्नेले पनि झगडा छुट्टाउने आँट गरेनन् । ४ जना महिलाहरु ली लाई भकुरेर आफ्नो बाटो लागेपछि मात्र स्थानीय जुन फेंग नामका व्यक्तिले ली को उद्धार गरे । उनलाई पछि अस्पतालमा लगियो । उनको सरीरमा निकै चोटपटक लागेको रहेछ ।

चिनिया समाजमा यस्ता घटनाहरु पछिल्लो समयमा बढ्दै गएका छन् । अघिल्लो महिना चीनको जिनान सहरमा पनि यस्तै घटना भएको थियो । जुलाई महिलामा युलिन सहरमा पनि एक महिलामाथि यस्तै आरोपमा कुटपिट भएको थियो ।

दक्षिण कोरियाली इलेक्ट्रोनिक्स कम्पनी सामसुङले अत्यधिक तिव्र गतिको वाइफाइ प्रविधिको विकाश गरेको छ ।

सामसुङका अनुसार उसले यस्तो अत्याधुनिक वाइफाइ प्रविधिको विकाश गरेको छ जसले विद्यमान इलेक्ट्रोनिक्स डिभाइसबाट हुने डाटा संचारको अधिकतम गतिलाई ५ गुणा बढाउनेछ ।

६० गिगाहर्ज वाइफाइ टेक्नोलोजीले १ गिगाबाइटको फिल्मलाई ३ सेकेण्डमै डाउनलोड वा ट्रान्सफर गर्न सकिनेछ । सामसुङका अनुसार यो उच्चगतिको वाइफाइ प्रविधिबाट मोबाइल तथा टेलिभिजनबाट प्रशारित एच डी भिडियोहरुलाई वास्तविक समयमै  स्टि्रमिङ गर्न सकिनेछ ।

साथै यो प्रविधिले वास्तविक गति तथा सैद्धान्तिक गतिविधको अन्तरलाई हटाउने र विद्यमान वाइफाइ प्रविधिभन्दा १० गुणा उच्च गति प्रदर्शन गर्ने दाबी सामसुङको छ ।

सामसुङका अनुसन्धान तथा विकाश केन्द्रका प्रमुख किम चाङ योंगले एक विज्ञप्तीमा भनेका छन्, ‘सामसुङले ६० गिगाहर्ज वाइफाइ प्रविधिको व्यवसायीकरणमा रहेको बाधा सफलतापूवर्क पार गरेको छ र यसले वाइफाइको भविष्यको विकाशका लागि नयाँ सम्भावनाको ढोका खुलेको छ ।’

६० गिगाहर्ज वाइफाई प्रविधिलाई अर्को वर्षदेखि व्यवसायिक रुपमा बजारमा ल्याउने लक्ष्य सामसुङको छ । श्रव्य दृश्य सामाग्री, मेडिकल डिभाइस तथा दूरसंचार उपकरणमा यो वाइफाइ प्रविधिको प्रयोग गर्ने योजना सामसुङको छ ।

काठमाडौंको बबलमहलमा सोमबार साँझ भएको दुर्घटनामा तीन जनाको मृत्यु भएको छ भने ८ जना घाइते भएका छन् । उनीहरू मध्ये दुर्इको अवस्था गम्भीर छ ।

बनेपाबाट काठमाडौं आउँदै गरेको बा १ ख ८६७६ नम्बरको मिनीबसले काठमाडौं जिल्ला अदालत अगाडि चार बटा मोटसाइकल बा ५६ प ५३३८, बा ३२ प २३७६, बा ३७ प ७६३९ र बा ६२ प ३६९८ लाई ठक्कर दिएको थियो ।  तिव्र गतिमा रहेको बस अनियन्त्रित भएर भिडाइडरमा ठोक्किएर पल्टिएको र मोटरसाइकलहरूलार्इ किचेको दिएको प्रहरीले जनाएको छ ।

दुर्घटनामा तीन जनाको मृत्यु भएको प्रहरी निरीक्षक खुमलाल भुसालले जानकारी दिए । मृतक मध्ये महोत्तरीका तिलकुमार गौतम र बाराको मकदुद मियाँ ठाकुरायनको सनाखत भएको छ । अर्का एकको भने सनाखत हुन बाँकी छ ।

दुर्घटनामा कैलाली पदमप्रसाद शर्मा र पाँचथर यमकुमार मगर गम्भीर घाइते भएका छन् । उनीहरूको शिभिल अस्पतालमा उपचार भइरहेको छ ।

दुर्घटनामा सिन्धुपाल्चोका चिउरे बाइबा, धादिङकी देविका लामा, कीर्तिपुका निमेश नकर्मी, मैतिदेवीका आशिष काफ्ले, ललितपुर भैसेपाटीका ठकुन्ना श्रेष्ठ र न्यूरोडका नानु श्रेष्ठ पनि घाइते भएका छन् ।

तस्वीरमा एकजना हजुरबालाई गोरु बाँध्ने किलोमा मोटो डोरीले टनटनी बाँधिएको छ । गम्छा बेरेको एक व्यक्तिले हातमा कागज बोकेर बूढा मान्छेका दुबै हात कुल्चिएको देखिन्छ भने अर्को व्यक्तिले बूढोमान्छेलाई दाम्लाले कसिरहेको देखिन्छ । छेउछाउमा अरु मानिस पनि छन् ।

यो कुनै नाटकको दृश्य होइन । मधेसमा अहिले पनि १८ औं शताब्दीको जंगबहादुर राणाकालीन सामन्ती परिपाटी हटेको छैन भन्ने एउटा कुरुप घटनाको दृश्य हो यो ।

दसैंका बेला गोरु बाँध्ने थलोमा बाँधिने व्यक्ति धनुषा, परवाहा-२ निवासी ज्येष्ठ नागरिक ७० वर्षीय मुलहु साह हुन् ।
साहलाई आफ्नै भाइ र भतिजा मिलेर बाँधेका हुन् ।

बाँध्ने टोलीको नेतृत्व गर्ने शिवजी साह नेपाली कांग्रेसमा सक्रिय कार्यकर्ता हुन् । प्रत्यक्षदर्शीका अनुसार शिवजीले आफ्ना तिनैजना छोरा झगरु साह, मनोज साह र पप्पु साहको सहयोगमा आफ्ना बुढा दाजुलाई गोरुजस्तै बाँधेर कागजमा औंठाछाप गराएका छन् ।

दाजुसँग जग्गा माग्दै आएका उनले जग्गा हडप्नका लागि त्यसरी बाँधेर औंठाछाप गराएको बताइएको छ । दाजुलाई बाँध्ने शिवजी यसअघि स्थानीय निकायको निर्वाचनमा लड्ने गरेका र गाँउमा पञ्च भलादमीको भूमिका समेत खेल्ने गरेका कांग्रेस नेतासमेत हुन् ।

समाजकै अगाडि यत्रो अत्याचार हुँदासमेत शिवजीमाथि कारवाही हुन सकेको छैन । घटनाको तस्वीर र भिडियो प्रहरीसमक्ष पुगेपछि स्थानीइ प्रहरीले घटना भएको चार दिनपछि शिवजीका दुई छोरालाई पक्राउ गरेको छ । शिवजी र उनका एक छोरा मनोज भने फरार छन् ।

कांग्रेस कार्यकर्ता शिवजीले सुरुमा सभासद रामकृष्ण यादवको दबावमा औरही प्रहरी चौकीबाट घटनाको ढाकछोप गर्न खोजेका थिए । तर, स्थानीयको अग्रसरतापछि प्रहरीले उनीहरुलाई वारेन्ड काटेको हो ।

पीडित पक्षले सभासद यादवलाई घटनाको प्रमाणबारे जानकारी गराएपछि उनले प्रहरीलाई दबाव दिन छाडेको र पछि हटेको स्थानीयले बताए ।

मुलहुलाई बाँधेर औंठाछाप लगाएकोमा स्थानीय बल्वा पण्डितले रोक्न खोज्दा उनीमाथि पनि पीडक चारैजनाले दुर्वव्यवहार एवं हातपात गरेको भिडियोसमेत प्रहरीसमक्ष पुगेको छ ।

यद्यपि अहिले पनि कांग्रेस कार्यकर्ता भएकै कारण शिवजीलाई पक्रन र दोषीउपर कारवाही अगाडि बढाउन प्रहरीले ढिलासुस्ती गरिरहेको स्थानीयको गुनासो छ ।

फरार दुबैजना सीमावर्ती भारतको हरिनेस्थित अाफ्ना छोरी/ज्वाँइको घर रहेको तर, प्रहरी उनीहरुलाई पक्रन तदरुकता नदेखाएको स्थानीय बताउँछन् ।

नेकपा एमालेका सचिव प्रदिप ज्ञावलीले आन्दोलन तत्काल फिर्ता नलिए एमाले प्रचण्ड संयोजक रहेको उच्चस्तरीय राजनीतिक समितिमा नबस्ने चेतावनी दिएका छन् ।

उनले पहिचान पक्षधरहरुको आन्दोलन संविधान भाँड्ने षडयन्त्र भएको दावी गरे । पहिलो संविधानसभामा प्रचण्डले दोहोरो भूमिका खेलेर संविधान आउन नदिएको र अहिले पनि त्यस्तै भूमिकामा प्रस्तुत भएको उनको आरोप छ ।

रिपोर्टर्स क्लब नेपालले सोमबार गरेको साक्षात्कारमा एमाले सचिव ज्ञवालीले भने-‘प्रचण्ड आफैं राजनीतिक समितिको संयोजक हुने, अनि आन्दोलन पनि गर्ने यो नैतिकताले दिँदैन । आन्दोलन गरिरहने हो भने संयन्त्रको औचित्य सकिन्छ ।’

शासकीय स्वरुपमा तीन वर्षसम्म अविश्वासको प्रस्ताव ल्याउन नपाउने गरी कांग्रेसको प्रस्तावमा सहमति नजिक रहेको स्पष्ट पार्दै उनले सात वटा प्रदेश भने एमालेको बटमलाइन भएको बताए ।

कांग्रेसका प्रवक्ता दिलेन्द्र बडुले कांग्रेसले संघीयता र शासकीय स्वरुपमा प्रस्तुत गरेको धारणा बटमलाइन नभई विकल्प भएको स्पष्ट पारे । जातीय द्वन्द्व मेटिने र सबैको पहिचान स्थापित हुने गरी कांग्रेसले अवधारणा प्रस्तुत गरेको भन्दै उनले एकल जातीय पहिचान स्वीकार्य नभएको बताए ।

कार्यक्रममा एमाओवादी संसदीय दलका उपनेता टोपबहादुर रायमाझीले कांग्रेस र एमाले पहिलो संविधानसभाको उपलब्धि र विगतका सम्झौता विपरित अघि बढे माघ ८ मा संविधान आउन नसक्ने चेतावनी दिए ।

रायमाझीले १० प्रदेश आफूहरुको बटमलाइन भएको भन्दै उनले प्रत्यक्ष निर्वाचित कार्यकारिणी, समानुपातिक निर्वाचन प्रणाली कुनै पनि हालतमा नछाड्ने समेत बताएका छन् ।

एमाओवादीकै अर्का नेता खिमलाल देबकोटाले कांग्रेसको प्रस्ताव विगतका सहमति विपरित भएको बताए । कांग्रेसको प्रस्ताव विकल्प नभएर बटमलाइन भए माघ ८ मा संविधान नबन्ने उनले ठोकुवा गरे ।

नेपाल परिवार दलका अध्यक्ष एकनाथ ढकालले साना पार्टीहरुको मोर्चा रारा मञ्च कांग्रेस एमालेको संघीयता र शासकीय स्वरुपको प्रस्तावको नजिक रहेको तर निर्वाचन प्रणालीमा पूर्ण समानुपाति हुनु पर्ने बताए ।

घरमा पालेको बाख्रोले मान्छेको अनुहार भएको पाठो जन्माएपछि एक किसान परिवारलाई लाजमर्नु भएको छ । गाउँलेहरुले बाख्राधनी किसानमाथि बाख्रीलाई गर्भिणी बनाएको आरोप समेत लगाएपछि ठूलै काण्ड मच्चिएको मात्र छैन बाख्राधनी किसान परिवारले त्यस्तो आरोपको खण्डन समेत गर्नुपरेको छ ।

घटना अर्जेन्टिनाको हो । अर्जेन्टिनाको सेन्ट्रो क्षेत्रमा रहेका एक किसानको बाख्राले प्रसुतिको समय नै नपुगी मान्छेको अनुहार जस्तै भएको पाठो जन्माएपछि त्यसले ठूलै हंगामा मच्चायो ।

यद्यपि बाख्राले मरेको तथा जिउ नै राम्ररी विकशित नभएको पाठो जन्माएको थियो र ती किसानले तत्कालै त्यो पाठोलाई गाडेका थिए । तर एक जना छिमेकीले त्यो पाठो जन्मिने बित्तिकै त्यसको फोटो खिच्न भ्याएछन् र त्यसलाई अनलाइनमा समेत राख्न भ्याएछन् ।

त्यसपछि त के चाहियो र ? त्यसले ठूलै चर्चा पायो । कतिपय गाउँलेले त्यो बाख्रीका मालिक परिवारका पुरुष सदस्यले बाख्रीमाथि करणी गरेको र मानिसबाटै गर्भिणी भएका कारण बाख्रीले त्यस्तो बच्चा जन्माएको भनेर हौवा फिँजाउन पुगे ।

मान्छेको अनुहार जस्तै भएको पाठो पाउने त्यो बाख्रीकी मालिक्नी ओल्गा भिलाल्बाले आफ्नो परिवारमाथि लागेको त्यस्तो घृणित आरोपको सख्त खण्डन गर्दै त्यो बाख्रीमाथि कसैले पनि त्यस्तो करणी नगरेको दाबी गरेकी छिन् ।

त्यो पाठो जन्मिदा नै मरिसकेको र त्यसलाई देख्न नसकेर आफुहरुले खाल्डोमा पुरेको भन्दै उनले किटनाशक औषधिको अत्यधिक प्रयोगले त्यस्तो उत्परिवर्तन भएको बताइन् ।

हालै मात्र नेपाल भ्रमण सकेर भारत फर्केका बलिउड नायक आमिर खानले आफूले पनि साहरुख खानको जस्तै पैसा कमाउन सक्ने दाबी गरेका छन् । आफ्नो साथीहरुले आफूलाई साहरुखको जस्तै पैसा कमाउन किन नसकेको भनेर प्रश्न गरेको आमिरको भनाई छ ।

बलिउडका वादशाह मानिने साहरुख खान विश्वकै दोश्रो धनी कलाaकार मानिन्छन् । उनी भारतका एक सय धनी मानिसको सूचिमा समेत छन् । साहरुखलाई यूनेस्कोले केही समयअघि सबैभन्दा धेरै च्यारेटी गर्ने कलाकारको रुपमा अवार्ड समेत दिएको थियो ।

आमिरले आफ्नो लगाव सिनेमा र ‘सत्यमेव जयते’ कार्यक्रममा भएको बताए । सिनेमालाई मात्र ध्यान दिने हो भने आफूले पनि साहरुखको जस्तै पैसा कमाउन सक्ने उनको दाबी छ । तर, साहरुखले कुनै गल्ती काम नगरेको आमिरले बताएका छन् ।

उनले, ‘सत्यमेव जयते’ कार्यक्रमबाट आफूहरुले समाजमा रहेका विभिन्न मुद्दाहरुलाई उठान गरेको बताए ।

२७ असोज, काठमाडौं । राष्ट्रसंघका लागि नेपाली स्थानीय नियोग, जेनेभाको स्थायी प्रतिनिधि दिपक धिताल नियुक्त भएका छन् ।

मन्त्रिपरिषद्को सिफारिस संसदीय सुनुवाइ विशेष समितिले अनुमोदन गरेपछि राष्ट्रपति डा. रामवरण यादवले सोमबार परराष्ट्र मन्त्रालयका सहसचिव धिताललाई नियुक्त गरेका हुन् ।

अन्तरिम संविधानको धारा १५० बमोजिम धितालको नियुक्ति भएको राष्ट्रपतिको कार्यालयले जनाएको छ ।

पूर्व युवराज पारस विक्रम शाह थाइल्याण्डमा ८ ग्राम अवैध लागुऔषध गाँजासहित पक्राउमा परेको भनि थाइ पत्रिकाको हावाला दिंदै नेपालका कथित राष्ट्रिय संचारमाध्यमले धमाधम फोटोसहित प्रकाशित समाचार अन्ततः असत्य रहेको पुष्टी भएको छ ।

 लागु औषधसहितसमातिएका पूर्वयुवराज पारस शाहलाई छुटाउने र सघाउने प्रयोजनका लागि शाही परिवारको दूतका रुपमा पारसका पूर्वस्वकीय सचिव राजेश सिंह बैंकक पुगेका छन् । 

पारसकी बहिनी प्रेरणा र काका धीरेन्द्रका छोरीहरु दिलाशा, शितास्मा र पूजाको पहलमा राजेश आइतबार केही पैसासमेत लिएर बैंकक गएको जीवनकुन्ज स्रोतले जनाएको छ ।

जीवनकुन्ज पूर्वअधिराजकुमार धीरेन्द्रको निवास हो, जहाँ अहिले उनका छोरीहरु बस्छन् ।

पारसले आफ्नी बहिनी प्रेरणालाई भन्दा उनीहरुलाई बढ्ता विश्वास र माया गर्ने गरेकाले उनीहरुले पारसलाई सघाउँदै आएका छन् ।

पछिल्लो समयमा चरम आर्थिक संकट झेलिरहेका पारसलाई बहिनीहरु दिलाशा, शितास्मा र पूजाका साथै ज्वाइँ डा. राजीव शाहीले आर्थिक सहयोग पठाउने गरेको जीवनकुन्ज स्रोतले जनाएको छ ।

    निर्मल निवास भन्छ-ज्ञानेन्द्र र पारसको सम्वन्ध बाहिर प्रचार गरिएजस्तो खराब छैन

स्रोतका अनुसार धीरेन्द्रका छोरीहरु पनि पारसलाई भेट्न बैंकक जाने तयारीमा छन् । तर, उनीहरु पूर्वराजाको अनुमति लिएर मात्रै जाने निकट स्रोतले बतायो ।

निर्मल निवासको चासो

पारसको पक्राउपछि पूर्वराजारानी थप ‘टर्चर’मा परेको निर्मल निवाससँग सबन्धित एक उच्च अधिकारीले बताए । ‘एकमात्र छोराको हालतले कुन बाबुआमालाई टर्चर नहोला’ उनले भने, ‘तर बाहिर हल्ला गरेर मात्र त केही हुन्न’ ।

निर्मल निवासले पारसलाई बेवास्ता गरेको, अत्याचार गरेको जस्ता टिप्पणीहरु आधारहीन रहेको पूर्वराजा निकट स्रोतले जनाएको छ ।

पारसका हरेक दिनका गतिविधिप्रति निर्मल निवासको चासो रहेको र यसअघि हृदयघात हुँदा सबै परिवार बैंकक गएर पुनस्र्थापना केन्द्रमा राखेर फर्किएको स्रोतले अनलाइनखबरलाई बतायो ।

‘बाबुछोराको बीचमा राम्रो सम्बन्ध छैन र पारसको यो हालत हुनुमा निर्मल निवास पनि दोषी छ भन्ने जस्ता आरोपहरु पूर्वराजपरिवारलाई बदनाम गराउने राष्ट्रिय अन्तर्राष्ट्रिय षडयन्त्रबाट आएका हुन्,’ पूर्वराजाका एक सहयोगीले भने ।

‘निर्मल निवासलाई बदनाम गराउन अन्तर्राष्ट्रिय चलखेल भइरहेको छ । लोग्ने अर्कोसित लागेपछि हिमानीको चित्त दुखाइ सामान्य हो । बीचमा पारसलाई बच्चाले भेटेर आएका छन्,’ स्रोतले भन्यो, ‘पारस र निर्मल निवासको सम्बन्ध बाहिर प्रचार गरिएजस्तो खराब छैन ।’

तर, जुनेबला नेपालमा हिन्दू राज्य र राजतन्त्रको पक्षमा जनमत बन्न थाल्छ, त्यहीबेला पारसलाई गाँजा काण्डमा फसाउने गरिएको निर्मल निवासको गुनासो छ । ‘यता हिन्दूत्वको पक्षमा माहौल बन्दा उता पारस गाँजामा समातिन्छन्, उनलाई थाइ सरकारले डिपोर्ट पनि गर्दैन,’ स्रोतले भन्यो, ‘यसमा केही शक्तिले खेलेका छन्’ ।

पारसलाई नेपाल फर्कन कसले रोक्यो ?

पारसलाई नेपाल फर्किन निर्मल निवासले नदिएको आरोपमा पनि सत्यता नरहेको स्रोतको दाबी छ । ‘बाबुलाई हृदयघात हुँदा पारसलाई बोलाउने हो कि आफैं आउने हो ?’ निर्मल निवास भन्छ- ‘पारस आफैं नेपाल नआएका हुन्, उनलाई कसैले रोकेको छैन ।’
  

पारस र उनकी पत्नी हिमानीको सम्बन्धचाहिँ अब औपचारिक र कानुनी मात्र रहेको स्रोतले जनाएको छ ।

थाइ प्रेमिकासँग पारस उतै बसेर दुव्र्यसनी बनेपछि गैरजिम्मेवार पतिको भर पर्न हिमानीले छाडेको हिमानी ट्रष्टका एक पदाधिकारीले बताइन् ।

‘एउटी नारी, त्यसमा पनि हिन्दू महिलाले आफ्नो पति अर्कैसँग बसेपछि सहने कुरा भएन,’ ती पदाधिकारीले भनिन्, ‘अझै पनि पारसले त्यो केटीलाई छाडेर निर्मल निवासको अनुशासनभित्र बस्न आउँछन् भने हिमानीले माफी दिन सक्छिन् ।’

यस बीचमा पनि हिमानीका छोराछोरीले बैंककमा गएर पितालाई भेटेको स्रोतले जनाएको छ । पारसको पछिल्लो प्रकरणबारे हिमानी बेखबर छैनन्, तर उनले पारसलाई खासै चासो भने नदिएको स्रोतको दाबी छ । त्यसो त विगतमा पिटाइ खाँदासमेत हिमानीले पारसलाई सुधार्न प्रयास नगरेकी चाँहि होइनन् ।

 एकीकृत नेकपा माओवादी सचिव बर्षमान पुन अनन्तले जनतासँग गरिएको बाँचा अनुसार आगामी माघ ८ मा जसरी पनि संविधान जारी गर्नुपर्ने बताएका छन् ।

क्रान्तिकारी पत्रकार संघ रोल्पाले सोमबार गरेको पत्रकार भेटघाटमा सचिव पुनले विवादित विषयमा सहमति कायम गरी सबैलाई मान्य हुने संविधान माघ ८ मै जारी गर्नुपर्ने नैतिक दायित्व भएको बताए । कसैलाई बाईपास गर्न नहुने भन्दै उनले सर्वमान्य संविधान जारी गर्न दलहरु प्रतिबद्ध रहेको जिकिर गरे ।

कांग्रेस र एमालेले विपक्षी दलहरुलाई कमजोर बनाउन खोजेको आरोप लगाउदै एमाओवादी सचिव पुनले आफूहरुको हैसियतलाई ख्याल गर्न आग्रह गरे ।

सत्ताधारी नेताहरुो सहमति नगर्ने नियतका कारण समस्या बल्झिएको भन्दै उनले पेल्न खोजे परिवर्तनकारी शक्तिहरुले संघर्ष गर्ने चेतावनी दिए ।

युरो कप छनोट फुटबलमा डिफेण्डिङ च्याम्पियन स्पेनले लक्जम्बर्गलाई पराजित गरेको छ ।

अघिल्लो खेलमा स्लोभाकियासँग अप्रत्यासित हार व्यहोरेको स्पेनले आइतबार राति लक्जम्बर्गलाई ४–० गोल अन्तरले पराजित गरेको हो ।

खेलको २६ औं मिनेटमा डेभिड सिल्भाको गोलबाट अग्रता लिएको थियो । ४२ औं मिनेटमा गोल गर्दै पहिलो हाफमा २–० को अग्रता लियो ।

पहिलो हाफमा गोलको राम्रो मौका खेल फालेका डिएगो कोष्टा दोस्रो हाफमा गोल गर्न सफल भए । ६९ औं मिनेटमा उनले गोल गरे । स्पेनका लागि उनको यो पहिलो गोल हो । स्पेनबाट फुटबल खेलेको ५१५ मिनेटमा उनले पहिलो गोल गरेका हुन् ।

खेलको ८८ औं मिनेटमा बार्नेटले गोल गरेपछि स्पेनको ४–० को जित सुनिश्चित भयो ।

२७ असोज, पाल्पा । पूर्वी पाल्पाको रामपुरमा सोमवार दिउँसो छुरी प्रहार गरी एक महिलाको हत्या भएको छ । हत्यामा संलग्न चार जनालाई स्थानीयबासीले पक्राउ गरेका छन् ।

चार जनाको समूहमा रहेका लुटेराले रामपुर नगरपालिका-७ की ५१ वर्षीया कोपिलादेवी मल्लको हत्या गरेको प्रहरीले जनाएको छ । सोमवार दिउँसो एक बजेतिर लुटपाट गर्न छिरेका उनीहरुले घरमा एक्लै रहेकी मल्ललाई छुरा प्रहार गरी हत्या गरेका हुन् ।

छुरा प्रहारबाट गम्भीर घाइते भएकी मल्लको स्थानीय रामपुर अस्पताल लैजाने क्रममा बाटोमै मृत्यु भएको इलाका प्रहरी कार्यालय रामपुरका प्रहरी नायव निरीक्षक केशरबहादुर थापाले बताए ।

वाणिज्य वैंकको शाखा कार्यालयको आडैमा रहेको घरमा चिच्याएको आवाज सुनेपछि स्थानीयले भारत विहार पटनाका १८ वषर्ीय कृष्ण साहनी, वीरगञ्जका सन्तोष साह, शंकर साह कानु र लालबाबु साह कानुलाई पक्रेर प्रहरीलाई बुझाएका छन् ।

स्थानीयबासीको कुटपिटबाट साहनी गम्भीर घाइते भएका छन् । उनलाई मिसन अस्पताल तानसेन लगिएको छ ।

1)Gary Neville’s Underground House-The first shocker from the list comes from Neville’s kitty. Beautiful, functional, fascinating and appealing. We wouldn’t lie if we tell you that these words describe it best. Designed by Make Architects, it is sprawled across 8,000 sq ft. This subterranean sensation is beautifully laid in the shape of a flower and built in a way that keeps energy consumption to the minimum. If there is anything Gary is good at apart from football, it’s his conscious to go eco friendly!

2)The Cave House-This one has really stood tough against the sands of time. This cave house, which has been carved out of a mountain has switched many roles over the time. Originally used as a mine for decades, it was later used as a concert venue. Currently, it is geared with all the household equipments and is serving as a unique abode. 

3)Swiss Mountain Underground House-In the Swiss village of Vals, this underground house stands apart from the rest. It is a brainchild of architects from SeARCH, Netherlands and Christian Muller. The beautifully designed house plays intelligently by completely eliminating the need of cooling in summers and heating in winters.

4)Sedum House-Situated in steep sand hill inland in North Norfloak Coast, this house exudes futuristic design. The central point around which the whole house is designed is ’Sun’. The living rooms at the first floor are covered with wooden hood which keeps the heat off the glass windows in summers. Interestingly, the make is such that the house is not devoid of any sunlight in winters. The base of the house is built with flints. The four bedrooms are buried in the tunnel and the natural cover of the ground provides insulation to it.

5) Hidden Swiss estate by Vetsch Architektur-

Who wouldn’t mistake this gorgeous house for a mysterious dwelling out straight from a fairytale wonderland? Designer Vetsch Architektur has designed this Swiss house in a way that provides an insulating blanket to it guarding it against natural abrasion, rain, wind and low tempratures.

6)Cumbria Underground House- Local architect John Bodger designed this house for Phil and Helen Reddy. It was designed in such a way that the two stories are burrowed backwards in to a rock. Built on an old quarry site, this house impersonates the eco friendly approach of its owners.

7) Malator-Malator is one modern underground house in Druidstone, which is rightly termed as the ‘blueprint for the future of Welsh Housing’. It has also been given the local nickname of ‘Teletubby house’ owing to the the turf roof, steel chimney and its peephole doorway.