‘लुङ्गी डान्स’ गीतको कोरियोग्राफी गरेपछि गायक हनी सिंहको चर्चा बलिउडमा मात्र नभई विश्वमै भयो । हनी सिंह आइटम नृत्यको कोरियोग्राफीमा अब्बल देखिए । उनै हनी सिंहको निधनको खबरले बलिउड बजारलाई सोमबार दिनैभरी ततायो । हनी सिंहको निधन भएको भन्दै सामाजिक संजालमा खुबै चर्चा भयो ।

तर उनै चर्चित र्‍यापरले दुबइमा मस्ती गरिरहेको खबर आएको छ । दुबइमा रहेका हनीले आफ्नो निधन नभएको खुलाए । उनको निधन भएको भन्दै जुन तस्बिर सार्वजनिक गरियो, त्यो हनी सिंहको नै थियो ।

तर एक गीतको भिडियोमा हनीलाई यस्तो रुपमा देखिने छ । ‘बि्रंग मी बैंक’ बोलको गीतमा हनी सिंह यस्तो अवतारमा देखिने छन् । जुन तस्बिरलाई आधार बनाएर उनको निधनको हल्ला फैलाइएको थियो ।

बलिउड नायक रणवीर कपुर र नायिका कट्रिना कैफको प्रेम सम्बन्धले यतिबेला चर्चा पाइरहेको छ । भारतीय मिडियामा दुईको प्रेमलाई लिएर हरेक दिन जसो कुनै न कुनै समाचार आइरहेकै हुन्छ ।

यसैक्रममा यतिबेला बलिउड बजार रणवीर-कट्रिनालाई लिएर नयाँ कुरा चर्चामा छ । रणवीर यतिबेला मुम्बइको बान्द्रामा नयाँ घर खोजिरहेका छन् । बिहे पश्चात उनी कट्रिनासँग नयाँ घरमा बस्न चाहन्छन् ।

कट्रिना कैफ घरमा आएको रणवीरका पिता ऋषी कपुर र आमा नितु कपुरलाई राम्रो लाग्दैन । यसैले रणवीर नयाँ घरमा सर्न चाहेको भारतका चर्चित मिडियाहरुले जनाएका छन् ।

बलिउड नायिका कट्रिना कैफको यस्तो भनाइले सबैलाई अचम्ममा पार्न सक्छ । तर ‘वुम’ सिनेमामा विकिनी लगाएर बलिउड करिअर सुरु गरेकी नायिका कैफले यस्तै गुनासो गरेकी छिन् ।

बलिउडमा प्रवेश गरेको १० बर्षमै कैफको चर्चा शिखरमा पुगेको छ । बलिउडमा यतिबेला नायिका कट्रिना सिनेमाहरुले बक्स अफिसमा कमाल मच्चाएका छन् । कट्रिनाले भनिन्, ‘सारी लगाउने बलिउडको परम्परा विकिनीमा आइपुगेको छ, तर हिरोइनको पारिश्रमिक जस्ताको तस्तै छ ।’

प्रियंका चोपडाको ‘फेशन’, विद्या बालनको ‘कहानी’, कंगना रनोटको ‘क्विन’ हिरोइन केन्द्रित सिनेमा हुन् । बक्स अफिसमा यि सिनेमाहरुले कमाल मच्चाएका थिए । तर नायिकाहरुको स्टारपावर चलेपनि पारिश्रमिक नबढेको बिषयमा कैफले दुःख लागेको बताइन् ।

कट्रिना आज बलिउडको सबैभन्दा आकर्षक नायिका हुन् । उनको ब्रान्ड भ्यालू र पारिश्रमिक उच्च छ । तर पनि उनी हिरोइनको काम अुनसार पारिश्रमिक नभएको गुनासो गरिरहेकी छिन् ।

३ वटा सिक्वेल सफल भएसँगै बलिउडको चर्चित फिल्म कम्पनी यशराज ब्यानरले ‘धुम ४’ को तयारी गरेको छ । जोन अब्राहिम, ऋतिक रोशन, आमिर खानको सफलता पश्चात बलिउडका दबंग खान सलमानले धुमको चौथो सिरिजमा काम गर्न लागेका हुन् ।

यशराजले सलमानलाई आजसम्म नदेखिएको अवतारमा प्रस्तुत गर्ने तयारी गरेको हो । सलमान यो सिनेमामा भिलेनको भूमिकामा देखिनेछन् । जसमा उनले खतरनाक स्टन्ट पनि गर्ने जनाइएको छ । नायिका भने सिनेमामा पक्का भैसकेका छैनन् ।

एक पटक फेरि बलिउडका चक्लेटी हिरो रणबीर कपुर र सुन्दर र सेक्सी हिरोइनकट्रिना कैफको विहेको खबरले बलिउड तताएको छ । गसिप बजारलार्इ यो खबरले राम्ररी तताएको छ । दुबैजना सन् २०१५ मा मायाको डोरीलार्इ विहेमा परिणत गर्न तयार भएका हुन् । समाचार अनुसार कट्रिनाले रणबीर विहेका लागि राजी नभएमा छोडिदिने धम्की दिएपछि रणबीरले यो निर्णय लिएका हुन् ।

यो कहानी नयाँ सालको हो । नयाँ वर्ष मनाउन दुबैजना न्यूयोर्क पुगेकाबेला कट्रिनाले रणबीरलार्इ बिहेका लागि तयार नभए छोडिदिने धम्की दिएकी थिइन् । नयाँ वर्ष मनाउने क्रममा क्याटरिनाले रणबीरबाट नयाँ वर्षको उपहारको रूपमा केही कसम र बाचा गर्न भनेकी थिइन् । रणबीरले भने क्याटरिनाले गर्न लाएको बाचा कमस खान इन्कार गरेका थिए । रणबीरले बाचा गर्न नमानेपछि कट्रिना रिसाएर लण्डन गएकी थिइन् भने रणबीर एक्लै भारत फर्केका थिए ।

स्पेनको समुद्री किनारमा रणबीरका साथमा विकीनी लगाएको अवस्थामा भेटिएकी क्याटरिना र रणबीरबी यो घटनापछि ब्रेकअप भएको चर्चा बलिउडमा थियो । यो घटनापछि हुने चलचित्रसम्बन्धी कार्यक्रमहरूमा दुबैजना एक्ला एक्लै सहभागी हुने गरेका थिए । दुबै अलग अलग भेटिन थालेपछि उनीहरूको सम्बन्मा पूर्णविराम लागेको अनुमान धेरैले गरे ।

तर अहिले तीन महिनापछि दुबैबीच विहेको खबरले धेरैलार्इ अचम्मा पारेको छ । अहिले दुबै बलिउडस्टारका फ्यान अलमलमा छन्, विहेको खबर पत्याउने कि ब्रेकअको खबर पत्याउने । ‘यदि बिहे नै गर्ने भए तीन महिनायता दुबै अलग रहेको नाटक किन गर्नुपरेको ?’ उनीहरूका फ्यानको भनार्इ छ ।

तर पनि दुबैको विहेको खबरले उनीहरूलार्इ चाहने फ्यानहरूलार्इ भने खुसी बनाएको छ । तथापि अहिले दुबै फिल्मीस्टार र उनका साथी तथा परिवारले यो खबरको पुष्टि भने गरेका छैनन् ।