‘लुङ्गी डान्स’ गीतको कोरियोग्राफी गरेपछि गायक हनी सिंहको चर्चा बलिउडमा मात्र नभई विश्वमै भयो । हनी सिंह आइटम नृत्यको कोरियोग्राफीमा अब्बल देखिए । उनै हनी सिंहको निधनको खबरले बलिउड बजारलाई सोमबार दिनैभरी ततायो । हनी सिंहको निधन भएको भन्दै सामाजिक संजालमा खुबै चर्चा भयो ।

तर उनै चर्चित र्‍यापरले दुबइमा मस्ती गरिरहेको खबर आएको छ । दुबइमा रहेका हनीले आफ्नो निधन नभएको खुलाए । उनको निधन भएको भन्दै जुन तस्बिर सार्वजनिक गरियो, त्यो हनी सिंहको नै थियो ।

तर एक गीतको भिडियोमा हनीलाई यस्तो रुपमा देखिने छ । ‘बि्रंग मी बैंक’ बोलको गीतमा हनी सिंह यस्तो अवतारमा देखिने छन् । जुन तस्बिरलाई आधार बनाएर उनको निधनको हल्ला फैलाइएको थियो ।

चलचित्र ‘मायाज बार’ पश्चात नायिका निशा अधिकारीले चलचित्र ‘मुखौटा’को एक आइटम गीतमा हट नृत्य गरेकी छिन् । ‘बेहाल हुन्छ मन’ बोलको गीतमा निशाको जवानी छल्किएको हो । संभवत निशालाई कुनै चलचित्रको गीतमा यती धेरैको खुलेको देखिएको थिएन ।

जेठ ३० गतेबाट प्रदर्शनमा आउने यो सिनेमालाई अर्पण थापाले निर्देशन गरेका हुन् । चलचित्रमा निशा र अर्पणको हट बेडसिन पनि समावेश गरिएको छ । चलचित्रमा नेपालका मल्टिस्टार कलाकारहरुको अभिनय छ । राजेश हमाल, सौगता मल्ल, दयाहाङ राई, सुनिल थापा, प्रशान्त ताम्राकार, रबिन तामाङ, हर्षिका श्रेष्ठलाई पनि चलचित्रमा देख्न सकिन्छ ।

चलचित्रले ९ पात्रको १८ वटा मुखको कथा बोल्छ । रविन श्रेष्ठले निर्माण गरेको सिनेमाको पहिलो गीत सार्वजनिक गरिएको हो । यो गीतलाई रिनशा राइले नृत्य निर्देशन गरेकी हुन् ।

बलिउड नायक रणवीर कपुर र नायिका कट्रिना कैफको प्रेम सम्बन्धले यतिबेला चर्चा पाइरहेको छ । भारतीय मिडियामा दुईको प्रेमलाई लिएर हरेक दिन जसो कुनै न कुनै समाचार आइरहेकै हुन्छ ।

यसैक्रममा यतिबेला बलिउड बजार रणवीर-कट्रिनालाई लिएर नयाँ कुरा चर्चामा छ । रणवीर यतिबेला मुम्बइको बान्द्रामा नयाँ घर खोजिरहेका छन् । बिहे पश्चात उनी कट्रिनासँग नयाँ घरमा बस्न चाहन्छन् ।

कट्रिना कैफ घरमा आएको रणवीरका पिता ऋषी कपुर र आमा नितु कपुरलाई राम्रो लाग्दैन । यसैले रणवीर नयाँ घरमा सर्न चाहेको भारतका चर्चित मिडियाहरुले जनाएका छन् ।

संयुक्त राष्ट्रसंघको शैक्षिक तथा बालबालिका हेर्ने नियोग यूनिसेफको एम्ब्यासडरको रुपमा गायिका आनी छोइङ डोल्मालाई चयन गरिएको छ । बलिउडका सुपरस्टार नायक अमिताभ बच्चन, विश्व चर्चित गायिका साकिरा, विश्व चर्चित फुटबल खेलाडी डेभिड बेकह्याम्प यूनिसेफको एम्ब्यासडर भैसकेका छन् ।

आनी यूनिसेफको दूत बन्ने पहिलो नेपाली सेलिब्रेटी हुन् । राष्ट्रपती डाक्टर रामबरण यादवले शितल निवासमा आयोजना गरिएको एक कार्यक्रममा उनलाई यूनिसेफको दूत घोषणा गरेका हुन् ।

उक्त इभेन्टमा युनिसेफको नयाा गीत पनि सार्वजनिक गरिएको थियो । दुर्गालाल श्रेष्ठले लेखेको उक्त गीतलाई युनिसेफले सार्वजनिक गरेको हो । न्यूह बज्राचार्यले संगीत भरेको गीतमा आनिकाका साथै रामकृष्ण ढकाल, सुजिल कर्माचार्य, श्रुतिराज्य लक्ष्मी, रेखा शाह, सिने गुरुङले स्वर दिएका छन् ।
‘फूलको आखामा फूलै संसार’ जस्तो चर्चित गीतकी गायिका आनीले बालबालिकाको बिषयमा आवाज उठाउँदै आएकी छिन् ।

सिनेमाभित्र नायिका नम्रता श्रेष्ठले चर्चित र्‍यापर लाहुरेसँग हट सिन दिएकी छिन् । अनलाइनखबरलाई श्रोतले बताएअनुसार यो चलचित्रमा नम्रता र लाहुरेका थुप्रै हट दृश्यहरु छन् । तर निर्माता मोहन डोटेल पनि यस बिषयमा मौन हुन चाहन्छन् ।

चलचित्र ‘ताण्डव’मा नम्रता ‘कल गर्ल’को भूमिकामा छिन् । वेलायती निर्देशक मुर्रे केरले निर्देशन गरेको सिनेमाको छायांकन हालै मात्र सकिएको छ । नेपालगञ्ज, महेन्द्रनगर लगायतका क्षेत्रमा चलचित्रको छायांकन गरिएको छ ।

४६ दिनमा सिनेमाको छायांकन सकिएको हो । निर्माणपक्षले लाहुरेसँग ‘ताण्डव’ प्रदर्शन अगावै अन्य सिनेमा नगर्ने संझौता गरेको छ । नेपालमा लाहुरेका थुप्रै फ्यान छन् । नायिका नम्रता श्रेष्ठका लागि पनि यो सिनेमाको भूमिका केही विशेष हुनसक्छ । ‘ताण्डव’ ग्याङस्टारहरुको कथा हो । जहाँ लाहुरले शिर्ष भूमिका निर्वाहा गरेका छन् ।

बलिउड नायिका कट्रिना कैफको यस्तो भनाइले सबैलाई अचम्ममा पार्न सक्छ । तर ‘वुम’ सिनेमामा विकिनी लगाएर बलिउड करिअर सुरु गरेकी नायिका कैफले यस्तै गुनासो गरेकी छिन् ।

बलिउडमा प्रवेश गरेको १० बर्षमै कैफको चर्चा शिखरमा पुगेको छ । बलिउडमा यतिबेला नायिका कट्रिना सिनेमाहरुले बक्स अफिसमा कमाल मच्चाएका छन् । कट्रिनाले भनिन्, ‘सारी लगाउने बलिउडको परम्परा विकिनीमा आइपुगेको छ, तर हिरोइनको पारिश्रमिक जस्ताको तस्तै छ ।’

प्रियंका चोपडाको ‘फेशन’, विद्या बालनको ‘कहानी’, कंगना रनोटको ‘क्विन’ हिरोइन केन्द्रित सिनेमा हुन् । बक्स अफिसमा यि सिनेमाहरुले कमाल मच्चाएका थिए । तर नायिकाहरुको स्टारपावर चलेपनि पारिश्रमिक नबढेको बिषयमा कैफले दुःख लागेको बताइन् ।

कट्रिना आज बलिउडको सबैभन्दा आकर्षक नायिका हुन् । उनको ब्रान्ड भ्यालू र पारिश्रमिक उच्च छ । तर पनि उनी हिरोइनको काम अुनसार पारिश्रमिक नभएको गुनासो गरिरहेकी छिन् ।

सिनेमाको भिडन्तले निर्माताहरुलाई आक्रान्त बनाएको छ । तर आजबाट प्रदर्शनमा आएको चलचित्र ‘झेली’को हकमा भने यो कुरा खासै लागू नहुने देखिएको छ । उसो त आजबाट ‘अकाल’ र भोजपुरी भाषामा बनेको चलचित्रलाई नेपालीमा डबिङ गरी प्रदर्शनमा ल्याइएको ‘सुटर’ पनि हलमा लागेको छ ।

तर ‘झेली’को प्रचारका अघि दुबै सिनेमा कमजोर देखिएका छन् । भेषमान श्रेष्ठको निर्माणमा तयार भएको यो चलचित्रलाई कमल दाहालले निर्देशन गरेका हुन् । चलचित्रमा अनिल थापा, सुव्रिना कार्की, दीपासा वीसी लगायतका कलाकारले अभिनय गरेका छन् ।
चलचित्र ‘झेली’को कथावस्तु उत्कृष्ट बनेकाले पनि दर्शकले मन पराउने विश्वास निर्माणपक्षको छ । ‘अकाल’ र ‘सुटर’को व्यापारले ‘झेली’लाई कुनै असर नगर्ने देखिन्छ ।

३ वटा सिक्वेल सफल भएसँगै बलिउडको चर्चित फिल्म कम्पनी यशराज ब्यानरले ‘धुम ४’ को तयारी गरेको छ । जोन अब्राहिम, ऋतिक रोशन, आमिर खानको सफलता पश्चात बलिउडका दबंग खान सलमानले धुमको चौथो सिरिजमा काम गर्न लागेका हुन् ।

यशराजले सलमानलाई आजसम्म नदेखिएको अवतारमा प्रस्तुत गर्ने तयारी गरेको हो । सलमान यो सिनेमामा भिलेनको भूमिकामा देखिनेछन् । जसमा उनले खतरनाक स्टन्ट पनि गर्ने जनाइएको छ । नायिका भने सिनेमामा पक्का भैसकेका छैनन् ।

करिब डेढ घन्टा कार्यक्रममा ढिलो आएर उपस्थित अतिथी र पत्रकारहरुलाई कुराउने नायिका हर्षिका श्रेष्ठले गल्ती महुशश गरिनन् । चलचित्र ‘नागबेली’को पत्रकार सम्मेलनमा नायिका श्रेष्ठ डेढ घन्टा ढिलो आइन् । किन र केका लागि उनी ढिलो आइन्, खुल्न सकेन ।

तर सँगै आएका नायक विक्की मल्लले आफू ढिलो उपस्थित भएको भन्दै माफी माग्दै गर्दा हर्षिकाले त्यसको आवश्यकता पनि देखिनन् । चलचित्र पत्रकार संघका अध्यक्ष शान्तिप्रियले पत्रकारलाई अतिथीको रुपमा बोलाएर कलाकार नै ढिलो आउने, कार्यक्रम निर्धारित समयमा सुरु नगर्ने प्रवृत्ती हट्नुपर्ने बताए ।

समिक्षक दिपेन्द्र लामाले चलचित्र ‘नागबेली’को कथा आफूले पेटका लागि लेखेको बताउँदै गर्दा निर्देशक गोविन्द राइले भने देशका लागि सिनेमा बनाएको बताए ।

चलचित्रको प्रदर्शन मिति घोषणा गर्न आयोजित कार्यक्रम निर्धारित समय भन्दा निक्कै ढिलो सुरु भएको थियो । दयाहाङ राई, यशराज, हर्षिका श्रेष्ठ, विक्की मल्ल, सुरवी जैन बिष्ट, संभव श्रेष्ठ लगायतका कलाकारले अभिनय गरेको यो सिनेमा असार २७ गतेबाट प्रदर्शनमा आउने भएको छ । निर्देशक राईसँग सम्बन्ध चिसिएपछि नायिका सुरभी भने प्रचारमा संलग्न छैनन् । चलचित्रले यूवाहरुको राष्ट्रप्रेमलाई बोलेको छ ।

लामो समयदेखि नृत्य निर्देशनमा व्यस्त गोविन्द राइले निर्देशन गरेकाले पनि यो सिनेमा प्रतिक्षामा छ ।