राजेश हमालले पहिलो पटक प्रेमिका सार्वजनिक गर्ने कार्यक्रम भएकाले पनि शंकर होटलको माहोल केही तातिएको थियो । हमालले प्रेमिकालाई कसरी सार्वजनिक गर्छन्, आखिर उनको विशेष कार्यक्रम कस्तो रहला भन्ने कौतुहलता सबैमा हुनु स्वभाविक नै हो ।

करिब आधा घन्टा  कुराएपछि बल्ल पत्रकारहरुलाई हमाल भएको कोठामा प्रवेश दिइयो । नायक राजेश हमालकी प्रेमिकाको तस्बिर सार्वजनिक भएपनि पहिलो पटक मिडियाले उनको आधिकारीक तस्बिर खिच्ने अवसर पाएको थियो ।

शंकर होटलको एक कोठामा पत्रकारलाई प्रवेश दिएलगतै, माहोल निक्कै आकर्षक देखियो । विचमा राखिएको हमालको आमावुवाको तस्बिर, फूलैफुलको सौन्दर्यता, वाइन पिउँदै गरेका हमाल दम्पत्ती साच्चिकै माहोल आकर्षक थियो ।

अन्तत बलिउडमा यस बर्ष अर्को एक चलचित्रले सय करोडको क्लबमा आफूलाई उभ्याएको छ । जनवरी महिनामा प्रदर्शनमा आएको चलचित्र ‘जय हो’ ले सय करोड कमाएको थियो । यसपश्चात चलचित्र ‘गुण्डे’ले हिटको व्यापार गरेतापनि सय करोडको मार्क भने छोएको थिएन ।

‘टु स्टेट’ नामक सिनेमाले सय करोडको क्लबमा आफूलाई उभ्याएको हो । धर्म प्रोडक्शनको ब्यानरमा तयार भएको यो सिनेमा चेतन भगतको ‘टु स्टेट’ नामक पुस्तकमाथि आधारित रहेर तयार पारिएको हो ।

सिनेमाले प्रदर्शनमा आएको चौथो हप्तामा सय करोडको मार्क छोएको हो । बलिउड बक्स अफिसमा यो बर्ष सय करोड कमाएने ‘टु स्टेट’ दोश्रो चलचित्र बनेको छ । यसले आलिया र अर्जुनको सिने करिअरलाई पनि निक्कै माथि पुर्‍याइदिएको छ । चलचित्रमा नायिका आलिया भट्ट र नायक अर्जुन कपुरले थुप्रै चुम्बनका दृश्य दिएका छन् । उनीहरुको चुम्बन पनि बक्स अफिसमा सफल भएको छ ।

सिनेमा बनाएर प्रशस्त आम्दानी गरौला भन्ने सोच जो कोही लगानीकर्ताको पनि हुन्छ । सिनेमा व्यापारको एक माध्यम पनि हो । तर ‘हँसिया’ निर्देशक मिलन चाम्स भने यसो ठान्दैनन् । उनले बारम्बार विभिन्न कार्यक्रममा भन्दै आएका छन्, ‘हँसिया पैसा कमाउन बनाएको होइन, कमाएर बनाएको हो ।’

उनको यो भनाई अनौठो लाग्दो छ । बेलायतमा बसेर सम्पत्ती कमाएपछि उनले दुर्गा घलेसँग मिलेर ‘हँसिया’ बनाएको वुझ्न धेरै समय लगाउनु पर्दैन । उसो त मिलनको यो प्रचार गर्ने नयाँ तरिका पनि हुनसक्छ ।

उसो त ‘हँसिया’ हिरोइन हेमा श्रेष्ठ नै यतिबेला हराएपछि निर्माण यूनिट चिन्तित छ । तर नायक राजेश हमालले ‘हँसिया’लाई साथ दिइरहेका छन् । पूर्णतया एक्सन प्रधान यो सिनेमा जेठ ९ गतेबाट प्रदर्शनमा आउँदैछ । चलचित्रलाई लिएर दर्शकमा एक प्रकारको उत्साह पनि थपिएको छ ।

पैसा कमाएर बनाएको ‘हँसिया’को व्यापार भन्दा पनि दर्शकको प्रतिक्रिया निर्माणपक्षका लागि महत्वपूर्ण हो कि, कुराले त यही वुझिन्छ ।

आर्यन नम्रताका ‘एलियन’, नम्रता आर्यनकी ‘नमी’ । यि दुइको केमेष्ट्री गजबकै छ । एक अर्कामा घनिष्ट मित्रता रहेको बताउने आर्यन र नम्रता यतिबेला वैशाख १२ गतेबाट प्रदर्शनमा आउन लागेको नयाँ चलचित्र ‘नोभेम्बर रेन’को प्रचारमा व्यस्त छन् ।

नम्रता बिरामी छिन् । आर्यनलाई उनको स्वास्थ्यको चिन्ता अझ बढि छ । वैशाख ६ गते बिहे बन्धनमा बाधिन लागेका आर्यनलाई प्रेमिकालाई समय दिनुपनि पर्ने हुन्छ । आज काठमाण्डौमा आयोजना भएको एक कार्यक्रममा आर्यन र नम्रताको केमेष्ट्री गजबको देखियो ।

कार्यक्रमको बिचमै आर्यन र नम्रता केही समय हराए । कारण खोतल्दै जाँदा नम्रता बिरामी भएका कारण उनीहरु हराएका रहेछन् । एसीडीटी बढेपछि नम्रतालाई अचानक टाउको दुख्यो, आर्यनले मित्रताको भूमिका निर्वाहा गरे । कार्यक्रम चलिरहदा उनीहरु बाथरुममा पुगे, नम्रता फ्रेस भइन् अनि दुबै जना फर्किए ।

कार्यक्रम सकिएपछि पनि आर्यन नम्रताको स्वास्थ्यको बिषयमा खुबै सजग देखिएका थिए । उनले नम्रतालाई कार्यक्रम स्थलमा लामो समय बस्न दिएनन् । ‘मेरो एउटा साथी छ’ चलचित्रका यी दुई जोडी लामो समयपश्चात ‘नोभेम्बर रेन’मा देखिदैछन् । तर ‘नोभेम्बर रेन’ले यी दुइलाई अझ नजिक बनाएको छ । सायद आर्यन र नम्रता यतिबेला भनिरहेका होलान्, ‘मेरो एउटा साथी छ’ ।

पर्दामा आकर्षक देखिनका लागि स्टारहरु शरीरका विभिन्न अंगको सर्जरी गराइरहन्छन् । तर सर्जरीले उनीहरुको रुपलाई आकर्षक मात्र होइन कहिलेकाँही बिगारी पनि दिन्छ ।

बलिउड नायिका अनुष्का शर्माले ओठको सर्जरी गराइन् । तर सर्जरी पश्चात उनको ओठ पहिलेको तुलानामा झनै नराम्रो देखियो । यतिबेला उनलाई यो कुराले हैरानी बनाइरहेको छ ।

अर्की नायिका आयसा टाकियाले पनि बक्षस्थलको सर्जरी गराइन् । तर सर्जरी पश्चात उनको बक्षस्थल आवश्यकता भन्दा ठूलो हुन पुग्यो । जसले गर्दा उनलाई पर्दामा देखिन झनै गाह्रो भयो ।

राखी सावन्तले पनि आफ्नो बक्षस्थल ठूलो बनाउन सबै उपाय अपनाइसकेकी छिन् । तर उनमा कुनै भिन्नता आएको छैन । श्रीदेवीले आफ्नो अनुहारको सर्जरी गराएकी थिइन् । जसका कारण उनी खुलेर हाँस्न सक्दिनन् ।

बलिउडमा अन्य थुप्रै नायिकाहरु छन् जसले सर्जरी गरेपश्चात आलोचना बढि भोग्दै आएका छन् ।