एयरपोर्टको साझा नियति हो गह्रौं सुटकेश गुडाउँदै ट्याक्सी खोज्नु । चाहे नेपालमा होस् वा अन्य बिकशित देशमा ट्याक्सी नै मनोमानी भाडा त लिइहाल्छन नै ।

तर, कल्पना गर्नुस् त, गुडाउँदै गरेको सुटकेशमाथि बसेर घर पुग्न पाए कस्तो हुन्छ होला ? ट्याक्सी भाडा पनि बचत, गुडाउने झण्झट पनि अन्त्य ।

हो, यस्तै कल्पना अब पुरा हुँदैछ । एक चिनियाँले यस्तो सुटकेशको आबिस्कार गरेका छन् जसमा बसेर तपाईं आरामले घर पुग्न सक्नुहुन्छ ।
ही लियाङकाईले बनाएको इलेक्ट्रोनिक सुटकेसको तौल १५ पाउण्ड छ । यसमा व्याट्री लगाइएको छ । यो फुल चार्ज भएको समयमा दुई जना बसेर ३७ माइलसम्म यात्रा गर्न सकिन्छ ।

गुडाउनका लागि अगाडिको भागमा ह्याण्डलको व्यवस्था गरिएको छ, जसमा ब्रेकसमेत छ । चीनको हुनान प्रान्तका ही लियाङकाई यही सुटकेटमा बसेर रेल स्टेशनको ७ माइल आसपास पुग्छन् ।

उनले इलेक्ट्रोनिक सुटकेस १० वर्ष लगाएर बनाएका हुन् । सन् १९९९ मा उनले कार सेफ्टी सिस्टम बनाएका थिए, जसका कारण अमेरिकामा अवार्ड समेत जिते ।

(एजेन्सी)– झाडीहरुको माझमा एक रोबोट ट्यांकी आफ्नो ‘क्याटरपिलर ट्रयाक’ मा तुफानी तरिकाले अगाडि बढिरहेको छ । त्यसपछि अचानक यो रोकिन्छ र आफ्नो मेसीनगनले गोलीहरु बर्साउन थाल्दछ ।
यो कुनै साइन्स फिक्सन फिल्मको दृश्यजस्तो लाग्दछ तर वास्तवमा यो एक रोबोटको भिडियो हो जसको परिक्षण अमेरिकी सेनाले गरिरहेको छ ।
भोलीको साइन्स फिक्सन फिल्मको कल्पना आजको युद्ध मैदानमा यथार्थमा बदल्न सक्ने यो एउटा उदाहरण मात्र हो ।

एक मिटर लामो यो सानो ट्यांकीलाई उत्तरी अमेरिकाको क्विनेटिङ कम्पनीले बनाएको हो । आज ९० भन्दा बढि देशहरुमा यस्तो प्रवृधिको प्रयोग गरिएको छ र शोध कम्पनी आइएचएसको अनुसार २०१४–२३ सम्म यो उद्योग ५७.३२ खर्ब रुपैँयाको हुनेछ ।

आइएचएसका डेरिक म्यापल भन्छन्, ‘अमेरिका यसको मुख्य बजार र मुख्य खेलाडी रहनेछ तर थुप्रै देशहरु मानवरहित सिस्टमको क्षमताको विकासमा अग्रसर रहेका छन् । ’

(एजेन्सी)– गुगलले विभिन्न टेक्नोलोजीको प्रयोग गरेर विभिन्न उपकरणहरुको विकास गर्ने क्रम जारी छ यस्तैमा अब यसले आफैँ चल्ने कार निकाल्ने भएको छ ।
उक्त कारमा ‘स्टप–गो’ अर्थात् ‘चल्ने–बन्द हुने’ बटन मात्र राखिएको छ, यसमा कन्ट्रोल, स्टिरिङ व्हिल र पेडल केहि पनि हुँदैन ।

गुगल कारको यी तस्बिरहरुले यो कार चलाउनमा निकै सजिलो, राम्रो डिजाइन भएको र मानिसहरुलाई आफै चल्ने प्रविधिसँग जानकार गराउँदछ ।
यसका सह–संस्थापक सर्जे ब्रिनले क्यालिफोर्नियामा भएको सम्मलेनमा यसको भावी योजनाको बारेमा खुलासा गरे ।
‘हामी यो कारका निम्ति धेरै खुसी छौँ । यो एउटा यस्तो प्रविधि हो जसले कारको आफैँ चल्ने क्षमताका बारेमा प्रयोगकर्ताहरुलाई जानकार गराउँदछ र यसको सिमाको बारेमा पनि मानिसहरुलाई सचेत गराउँदछ । ’
उक्त कारले मानिसहरुको गतिशीलतालाई बदलेर जीवन सुधार्ने पनि उनले थपे ।

 सामसुङ ग्यालेक्सी एस फाइभ स्मार्टफोन नेपाली बजारमा कपर गोल्ड कलरमा पनि उपलब्ध भएको छ । सामसुङ मोबाइलको नेपालका लागि आधिकारिक बिक्रेता इन्टरनेशनल मार्केटिङ सर्भिसेजले एस फाइभ कपर गोल्ड कलरमा उपलब्ध गराएको हो ।

कपर गोल्ड कलर सबै उमेर समुहलाई सुहाउनुका साथै उपभोक्तालाई प्रोफेशनल समेत देखाउँछ । हरेक समुहका उद्योगी व्यवसायी तथा  पेशाकर्मीहरुलाई यो कलर उपयुक्त हुने कम्पनीले दाबी गरेको छ ।

कपर गोल्ड कलरसँगे एस फाइभ विभिन्न ४ कलरमा उपलब्ध भएको छ । यसअगाडी कम्पनीले सेतो, कालो र इलेक्टि्रक ब्लु कलरमा एस फाइभ उपलब्ध गराइसकेको छ । अहिले नेपाली बजारमा एस फाइभको मूल्य ७६ हजार रुपैयाँ पर्छ ।

मोबाइल अपरेटिङ सिस्टममा आफ्नो बजार हिस्सा बढाउने कोसिसमा रहेको माइक्रोसफ्टको विन्डोज अपरेटिङ सिस्टमको नयाँ भर्सन सार्वजनिक भएको छ ।

विन्डोज ८.१ नाम दिइएको यो नयाँ अपरेटिङ सिस्टममा विन्डोज ८ मा देखिएका प्रायः सवै समस्या समाधान गरिएको छ भने यस्ता थुप्रै नयाँ फिचर थपिएको छ जसले एन्ड्रोइड र एप्पल अपरेटिङ सिस्टमसँग प्रतिस्पर्धा गर्ने क्षमता राख्छ ।

अप्रिल महिनाको अन्त्यसम्ममा नयाँ फोन किन्ने ग्राहकले विन्डोज ८.१ चलाउन पाउनेछन् । पुराना प्रयोगकर्ताले भने केही समय कुर्नुपर्ने छ ।

थपिएका सुबिधा

कोर्टानाः एप्पलको ‘सिरी’ र एन्ड्रोइडको ‘गुगल नाव’ जस्तै विन्डोजले पनि कोर्टाना फिचर थपेको छ जसले फोन प्रयोगकर्तालाई सघाउने छ । कोर्टानामा सिरी र गुगल नावको हाइब्रिड भर्सनजस्तो देखिन्छ जसले दुवै खाले सेवा सेवा दिन्छ । अर्थात तपाईले कोर्टानामार्फत् भ्वाइस कमाण्ड दिन सक्नुहुन्छ भने गुगल नावजस्तै इमेल पढने र सोहीअनुसार नोटिफिकेसन सेट गर्ने काम पनि गर्ने छ । तपाईले दिएका भ्वाइस कमाण्डको रेकर्ड स्टोर भएर पनि बस्नेछ जसले फोन प्रयोगकर्तालाई सजिलो बनाइदिने छ ।

गुगल र एप्पलभन्दा भिन्न कोर्टानाले तेस्रो पक्षले बनाएका फेसबुक लगायतका मोबाइल एप्समा पनि काम गर्ने छ । कोर्टानामा विङ सर्च इन्जिन उपलब्ध छ । तत्कालका लागि यो सेवा अमेरिकामा मात्र उपलब्ध हुनेछ ।

एक्सन सेन्टरः यो विन्डोज फोनमा जडित नोटिफिकेसन सुबिधा हो जो एन्ड्रोइड र एप्पल अपरेटिङ सिस्टममा समेत उपलब्ध छ । यसमा चारवटा अप्सन राखिएको छ– वाईफाई, ब्लुटुथ, एरोप्लेन मोड र इन्टरनेट सेयरिङ । यसले ब्याट्री र नेटवर्कको सूचना समे दिने छ ।

होम स्क्रिनमा सुधारः नयाँ भर्सनको होम स्क्रिनमा विन्डोजले धेरै सुधार गरेको छ । ठूलो साइजका विन्डोज फोन निर्माण हुँदै गर्दा हाइ डेन्सिटी अप्सन राखिएको छ जसले गर्दा प्रयोगकर्ता स्क्रिनमा आफुले चाहेका टाइल अप्सन थप्न सक्नेछन् । यसैगरि प्रयोगकर्ताले आफ्नो छनौटको तस्वीरलाई वालपेपर र ब्याकग्राउन्ड वालपेपर बनाउन सक्नेछन् ।

अन्य सुबिधाः विन्डोज ८.१ मा किवोर्ड परिवर्तन गरि स्वाईप किवोर्ड ल्याइएको छ भने इन्टरनेट एक्सप्लोरर ११ इन्स्टल गरिएको छ । यो सँगै माइक्रोसफ्टले डेस्कटप भर्सनको विन्डोज ८.१ मा पनि सुधार गरेको जसमा स्टार्ट मेनलाई पुन डेस्कटपमा ल्याइएको छ । अब प्रयोगकर्ताले स्टार्ट मेनु क्लिक गर्दा त्यहाँ इन्स्टल गरिएका एप र युजर इन्टरफेसमा पनि एक्सेस पाउने छन् ।

एप्समा ब्यापक सुधार

आजकल स्मार्टफोनको बिक्रिको मुख्य आधार नै एप्स भएका छन् । जति सजिलो एप्स स्टोर त्यति धेरै फोन बिक्रि । यहि तथ्य बुझेर होला माइक्रोसफ्ट आफ्नो एप्स रणनीतिमा ब्यापक सुधार गर्दै छ ।

एप्स सुधारसम्बन्धी मेगा परियोजना हालै डेभलपरको सम्मेलनमा सुनाइएको थियो । जसअनुसार अब एउटै एप्सले डेस्कटप, मोबाइल, ट्याबेलट र गेम कन्सोल एक्सबक्समा समेत काम गर्ने छ ।

प्रयोगकर्ताले एउटा डिभाइसमा डाउनलोड गरेको एप अर्कोमा पनि प्रयोग गर्न सक्नेछन् । तर, यस्तो अधिकार प्रयोगकर्तालाई दिने कि नदिने भन्ने कुराको निर्धारण डेभलपरले गर्न पाउने छन् ।

कम्पनीको नयाँ रणनीति सुनेका डेभलपरहरु, जो यसअघि एप्पलमा मात्र आफ्ना एप्स बेचिरहेका थिए, विन्डोजसँग काम गर्न उत्साहित देखिएका छन् । विन्डोज कोर्टानाले साँच्चै एप्पल सिरी र गुगल नावलाई चुनौती दिने उनीहरुको बुझाइ छ । एप स्टोर सुधार रणनीतिले मोबाइल बजारमा विन्डोजको बजार हिस्सा बढाउने र एप्सको बजार पनि फैलिनेमा उनीहरु आशाबादी देखिएका छन् ।

सामाजिक संजाल फेसबुकका संस्थापक मार्क जुकरबर्गले गत वर्ष शेयर बेचेर ३.३ अर्ब डलर कमाएका छन् । फेसबुकको शेयर आम मानिसका लागि खुला गरेपछि उनीसँग शेयर आपूर्तिको विकल्प सकिएको थियो ।

यो बर्ष उनले आफ्नो बाषिर्क तलव घटाउँदै जम्मा १ डलरमा सिमित गरेका छन् । गूगलका प्रमुख कार्यकारी ल्यारी पेज र एपलका तत्कालिन प्रमुख कार्यकारी स्टीव जब्सको पदचाप पछ्याउँदै उनले बाषिर्क तलव १ डलरमा सिमति गरेका हुन् ।

यद्यपि उनले गत वर्ष कुल ६ लाख ५३ हजार १ सय ६५ डलर खर्च गरेका छन् । २०१२ मा यो रकम १९.९ लाख डलर पुगेको थियो ।

यो रकमको अधिंकाश हिस्सा जुकरबर्गको यात्राका लागि विमान भाडामा लिन प्रयोग गरिएको र यो सुरक्षाका कारण आवश्यक रहेको फेसबुकले जनाएको छ । हाल जुकरबर्गसँग ४२६३ करोड फेसबुक शेयर छ । जसको बजार मूल्य २५.७ अर्ब डलर छ ।