Published On:Saturday, June 14, 2014
Posted by Unknown
इटालीको रोमाञ्चक जित
चारपलटको विश्वकप विजेता इटालीले इङल्यान्डलाई २–१ ले हराएर २० औं संसकरणमा राम्रो सुरुआत गरेको छ । मारियो बालोटेलीको निर्णायक गोलसगै इटालीले एरेना अमेजोनियामा चिरपरिचित प्रतिद्वन्द्वीविरुद्ध सफलता हात पारेको हो ।
इटाली २–१ इङल्यान्ड
उनले एन्टोनियो क्यान्डरेभाको क्रसमा हेडद्वारा ५० औं मिनेटमा निर्णायक गोल गरेका थिए ।
दुवै टिमले आक्रमक रुपमा उत्कृष्ट खेल पस्केका थिए । यस्तोमा इटाली राम्रो देखियो । उसले ३५ औं मिनटमै अग्रता पनि लियो । क्लाउडियो मार्किजियोले लोभलाग्दो गोल गर्दै इटालीलाई अग्रता दिलाएका थिए । उनले मार्को भेराटीको पास उपयोग गरे । तर, त्यो अग्रता धेरैबेर टिकेन । लिभरपुलका फरवार्ड डानिएल स्टुरिजले ३७ औं मिनेटमा गोल गर्दै इङल्यान्डलाई १–१ को बराबरीमा पु¥याएका थिए । उनले यानी रोनीको क्रसमा सेट पिस गोल गरेका थिए ।
यो जितसगै इटालीले कठिन मानिएको समूह ‘डी’को पहिलो खेलबाट ३ अंक जोडेको छ । एक गोलले पछि परेको स्थिति उल्टाएर उरुग्वेलाई ३–१ ले हराएको कोस्टारिका पनि उति नै अंक छ । राम्रो गोल अन्तरको आधारमा कोस्टारिका शीर्षस्थानमा छ ।
निर्णायक गोल गरेका बालोटेली म्यान अफ द म्याच चुनिए ।
यसअघि १९९० मा यी दुई आमनेसामने भएका थिए । त्यसबेला तेस्रो स्थानको लागि भएको प्ले–अफमा इटाली २–१ ले विजयी भएको थियो । र, त्यसमा रोबर्टो बाजियो र साल्भाटोर सिलाचीले गोल गरेका थिए ।-eKantipur
