Published On:Wednesday, June 4, 2014
Posted by Unknown
‘तितो सत्य’बाट बाहिरिए दीपक, ‘बेइमान’को ग्रुप फर्कदै
चर्चित हाँस्य सिरियल ‘तितो सत्य’का निर्देशक एवं कलाकार दीपकराज गिरी ‘छ एकान छ’ सिनेमाको प्रदर्शनताका खुबै मिडियामा आए । जसका कारण पनि दर्शकका लागि आफू रुचिकर हुन्न कि भन्ने डर उनमा छ ।
यही कारणले दीपकले ‘तितो सत्य’को अभिनयलाई केही समय विश्राम दिने भएका छन् । उनले केही महिनाका लागि ‘तितो सत्य’को निर्देशन मात्र गर्न लागेका हुन् । केही समय रोकिएर प्रशारणमा आएको ‘तितो सत्य’मा दीपक देखिएका छैनन् ।
उनले कलाकार कम एक्सपोज हुनु हानिकार हो भन्दै धेरै एक्सपोज हुनु महाहानिकारक भएको बताए । चलचित्र ‘वडा नम्बर छ’ को काममा नै व्यस्त रहेका दीपकले भनेे, ‘संभवत अब म चलचित्रको पर्दामा एकैचोटी देखिन्छु होला ।’
अब यो सिरियलमा पहिला छुट्टिएर गएका रवी डंगोल र उनको ग्रुप आउने भएको छ । संभवत विचमा कुरा विग्रिएन भने साउनबाट यो सिरियलमा ‘बेइमान’ नामले परिचित रवि डंगोल र अन्य कलाकारलाई देख्न सकिन्छ । ‘भूइचालो’ बन्द भएपछि रविको ग्रुप ‘तितो सत्य’मा नै फर्कन लागेको हो ।
