Published On:Monday, June 16, 2014
Posted by Unknown
रोमाञ्चक खेलमा अमेरिकाको जित
सब्सिच्युट जोन ब्रुक्सले ८६ औं मिनेटमा निर्णयक गोल गरेपछि अमेरिकाले घानालाई २-१ ले हराएर मंगलबार विश्वकप २०१४ मा राम्रो सुरुआत गरेको छ । एस्टाडियो डास डुनास नाटलमा भएको खेलमा ब्रुक्सले ग्राहम जुसीको क्रसमा हेडद्वारा गोल गर्दै अमेरिकालाई जिताएका हुन् ।
रोमाञ्चक खेलमा अग्रता पनि अमेरिकाले नै लिएको थियो । उसको लागि क्लिन्ट डेम्सीले पहिलो मिनेटमै गोल गरे । जेरमाइन जोन्सको पासमा उनले दुई डिफेन्सलाई छक्याएर गरेको गोल लोभलाग्दो थियो । घानाले राम्रै चुनौती दिएपनि पहिलो हाफ अमेरिकाको पक्षमा १-० मै सकियो ।
आन्द्रे अयवले ८२ औं मिनेटमा गोल गरेर घानालाई १-१ को बराबरीमा पुर्याएका थिए । निरन्तर आक्रमण गर्ने क्रममा उनको गोल निस्किएको थियो । तर, त्यसको चार मिनेटपछि नै जोनले गोल गर्दै अमेरिकाको जित निकाले ।
यो नतिजासगै अमेरिकाले चार बर्षअघि दक्षिण अपि|mकामा बेहोरेको हारको बदला घानासंग लिएको छ । समूह 'जी'मा अमेरिकार र जर्मनीले जितसहित ३-३
अंक जोडेका छन् । पोर्चुगल र घाना पहिलो खेलबाट अंकको खाता खोल्न असफल रहे । यो समूहको चारै टिम विश्वकप २०१० मा नकआउट चरण पुगेका थिए ।
