Published On:Monday, June 16, 2014

Posted by Unknown

ईरान र नाईजेरियाले जारी विश्वकपको पहिलो गोलरहित खेल खेल्दै अंक बाँडेका छन् । एरेना डे बैछाडा रंगशालामा भएको खेलमा नाईजेरियाले बल पोसेसन आफ्नो पक्षमा पारे पनि गोल गर्न भने असफल रह्यो । सन् १९९८ देखि विश्वकपमा कुनै खेल नजितेका दुवै टोलीले आजको खेलाम जित खोजेका थिए तर असफल रहे ।

समूह एफ बाट लियोनल मेसीको अर्जेन्टिनालाई समूह विजेता अनुमान गरिएको छ । सोही समूहमा रहेको बोस्निया एण्ड हर्जगोभिनाको फुटबल पनि यि दुवै टोलीको भन्दा बलियो छ । आजको खेलमा अंक बाँडेका दुवै टोलीलाई आगामी खेल जित्नु पनि ठूलो चुनौति हुनेछ ।

पहिले अनुमान गरिएजस्तै ईरानले आफ्नो रक्षपंक्तीलाई बलियो बनाएर खेलेको थियो । ईरानविरुद्ध नाईजेरिया प्रमुख हतियार ईमेनिक चल्न सकेनन् । नाईजेरियाले खेलको सातौं मिनेटमै ईरानमाथि गोल गर्ने गरेको भएपनि रेफ्री कार्लोस भेराले त्यसलाई मान्यता दिएनन् । त्यसको दुई मिनेटपछि नै ओनाजीको कडा प्रहार गोल हुन सकेन ।

खेलो ३३ औं मिनेटमा ईरानको लागि रेजाले हेडमार्फत गरेको सुन्दर प्रहार नाइजेरियाली गोलकिपर ईन्येमाले बचाए ।